شخابيط و تقطيع كراسي و كتابة في الحمامات
اخص على كده اخص
عادة منيلة بستين نيلة ...تكتب عالحيطة شلة المقاطيع بتوعك و تقول أصدقاء للأبد
يحرقك إنت و صحابك . انا لو صاحب حاجة لقيتك كاتب عليها هاعلق راسك على الحيطة دي
و هاجيب صحابك كلهم و احطهم جنبك و اقول بسبب الوساخة .
ما فيش حد فيهم تفكيره نضيف قالك كده بتوسخها بكتابتك ؟
اركب اتوبيس او ميكروباص .. أتحداك . من كل 50 هتلاقي واحد منهم سليم
بس ما تقلقش .. لسه حظ صاحب الميكروباص او الاوتوبيس ما وقعوش في واحد من إياهم
تلاقي كرسي متقطع .. طلبت معاه كده ...
قالو للخنيق أخنق .. قالهم ماليش نفس... قالوله ليه ؟ خنقة ..
تدخل اي حمام عمومي في الجامعة . تلاقي واحد كاتب قصيدة شعر و اللي حاطط ارقام تليفون
حس على دمك يا بارد صاحبنا واقف برة بيتقطع .. شفاكم الله و عفاكم يا أستاذ مدحت
جت في بالي الجملة دي من فيلم عادل إمام في فيلم الإرهاب والكباب ..
يعني انت لو في بيتك .. انت شب صايع او منحرف و فاشل .. هتكتب على حيطة البيت برضه
بس راجل .. شوف ابوك هيعمل فيك ايه .. لو قطعت الكرسي يا ويلك .. لو انت من اللي بتدخل في الحمام
و بتنتهز الفرصة و البيت فاضي و تقعد في الصالة و تحط رجل على رجل ( عامل فيها باشا يا صايع )
و تلاقي السيجارة وقعت عالارض و السجادة اتحرقت .. كتكوت مبلول ..
فكك مني بقى انا دماغي صدعت
كان في حفلة عندنا الأسبوع اللي فات كان فيها تامر حسني و رولا .. بدون أي تعليقات
انا كنت هاحضر الحفلة و حضرت جزء منها بس اتخنقت .. المكان بقى لا يطاق
زحمة عالفاضي
اللي لاحظته حاجة .. البنات كانوا بيبصوا لتامر بإنبهار .. ياربي لو ييجي حصان ابيض و تامر عليه
البنات بتحب الفنان ما بتحبش الإنسان و للأسف بتفتكر ان الانسان هو الفنان ... الإجابة لأ
لقيت واحدة جاية الجامعة لابسة بادي و كت و نص جسمها باين .. لقيتها راسمة على كتفها .. جوة شوية
صورة تامر .. ايه ده ؟
مش ممكن بجد .. ده لو ابوها كان عايز تبرع بالدم و نفس الفصيلة هتسيبه يموت عشان تامر
و مع برسيل ما فيش مستحيل
كت ... اقفل الستارة يا حسين
2 comments:
ايه يا سمسم
انت نسيت انى حسين اشتغل لحسابى من زمان ولا ايه
خلاص سابك
دورلك على حد تانى بقى :D
titanium wire - Vitanium Technologies
Titanium Wire is a samsung galaxy watch 3 titanium flexible material used in applications such as titanium gr 2 home furnishing, car furnishing, and home kitchen appliances. This material is available race tech titanium for use titanium security in seiko titanium
Post a Comment