مذكرات مالهاش لازمة

بقالي فترة ما اعرفش حاسس اني مخنوق و محتاج اغير جو

ضغط شغل و حاجات غريبة بتحصل .. موجة نحس

ليا زميلة في الكلية حصل خلاف بيني و بينها و ما بنكلمش بعض

اللي مزعلني حاجة .. ان دي مش مجرد زميلة بس .. دي أخت قبل زميلة

لأنها معايا في مراحل التعليم .. ابتدائي .. إعدادي .. ثانوي . نفس الكلية والدفعة

يعني لحد دلوقتي عشرة 17 سنة .. هي غلطت في حقي .. و مش عشان انا اللي باكتب

و كان ممكن تصلح الموضوع بكلمة آسفة او سوري او ما تزعلش .. بس كرامتها نقحت عليها

و انا كرامتي فوق كل حاجة .. لما الاعتذار بيجرح كرامتك ... امال لما تغلطي في الناس من وجهة نظرك اللي يغلط في حقك ده يبقى ايه ؟

كافر و دمه اتهدر ؟

و الناس مافيش حد حاول يتدخل ( قدامي عالاقل ) عشان عارفين اللي فيها .. هي الغلطانة ..

و هي ما تعتذرش إلا على جثتها .. طيب سيبك من كل ده ...

هل العشرة و العيش و الملح في الزمن ده بيترمي بسهولة ؟ انا مستغرب ..

انا عن نفسي لو حسيت إن في واحد زعلان مني بأعتذرله قبل ما يتكلم لأن الإعتذار بيريح و ما بيقللش من كرامة الواحد

بس هل في ناس لسه كده كتير ؟؟

سيبك من كل ده خليك معايا اهم حاجة اننا مع بعض ...

لو انت زعلتني و جيت تصالحني .. هل متوقع اني اكشر في وشك او اصدرلك الوش الجبس ؟

ما علينا سيبك من ده كله و خليك معايا برضه

ملاحظ حاجة غريبة .. زمايلي اليومين دول متنشنين عالاخر بسبب الإمتحانات ..

هتبدأ التلات ده و هتخلص الخميس بتاع الأسبوع الجاي .. دي إمتحانات الميد ترم

كسل و خمول .. حاجات غريبة بتحصل .. ما علينا ادينا بنتعامل مع البشر

عندي في الجامعة مركز ألعاب قوى ( صالة جيم مش طالبة ثقافة ) إسمها جولدز جيم

دي اكبر صالة جيم على مستوى الشرق الأوسط و ليها فروع كتير

الجامعة عملتها مجانا للطلاب .. مع إن اشتراكها الشهري تقريبا 2000 جنيه او اكتر

بس مجانا .. الحوار فيه إن .. بعد ما مليت بياناتي و باروح انا و شريف الصبح بدري نجري شوية

انا ما باشيلش حديد .. لسه بدري شوية .. بالعب سويدي و حاجات بتفرد الجسم ..

العضلات عادية جدا مش ضخمة بس مافيش دهون .. الحياة جميلة و زي الفل

تاني اسبوع كل الناس اللي اتمرنت هتدفع 50 جنيه و يومين بس في الأسبوع

حسبة بسيطة مبلغ جامد قوي انضرب في لحظة .. ارفع القبعة احتراما للخدعة الذكية ..

و سيبك من كل اللي فات و خليك معايا

الصحبة ما تتعوضش ....

المنحوس منحوس

المنحوس منحوس لو علقوا على راسه فانوس

كلمة بنقولها دايما بس ما اعتقدش ان في حد عاشها بنفس اللي عشته فيها

حالة نحس غريبة مسكتني من 3 أسابيع ..... و ما ادراك لما تنحس مع الواحد

اعوذ بالله بجد ... الواحد بيبقى مش طايق نفسه لما يحس إن في حاجة غلط ما يعرفش ايه هي

نخش في الموضوع

بداية الموجة كانت من 3 أسابيع تقريبا و انا راجع أكتوبر وقعت مني 50 جنيه .. ما اخدتش في بالي

قولت خدت الشر و راااحت ... عادي بتحصل كتير و مش هتأثر كتير

نفس الأسبوع و انا مروح البلد في الشرقية .. يوم الجمعة .. لما وصلت البيت إكتشفت ان المحفظة

مش موجودة معايا ...شكيت إني أكون نسيتها في اكتوبر .. اتصلت بصاحبي قلب الدنيا عليها ما لقاهاش

دورت في البيت برضه يمكن حد من الشياطين الحمر ( ولاد اخواتي ) قلبها مني و ضربها في جيبه

ما لقيتهاش .. قولت شكلها وقعت .. طبعا انا اتخنقت قوي كده الموضوع بقى غير عادي

و المصيبة ان المحفظة و ما ادراك ما المحفظة ....خد عندك شوية من اللي كانوا فيها

البطاقة .. كارنيه الكلية .. رخصة القيادة .. 3 بطاقات إئتمان منهم واحدة بتاعت والدتي .

صور شخصية للأسرة و الأصدقاء و الأهل و خالوا صلاح و ... آسف افتكرت نفسي باعمل اهداء

كروت شخصية لناس من الوزن التقيل و ايصال دفع مصاريف الترم و الجدول و حاجات كتير.. شنطة على بابا من الأخر

غير الفلوس .. حوالي 400 جنيه .. قولت هي وقعت مني .. و استنى ابن الحلال اللي يتصل بيا يقول

انا لقيت محفظتك و ياخد اللي فيه النصيب ... و لا حياة لمن تنادي .. طبعا انا متكتف و كان في أجازات

لا عرفت اوقف الفيزا و لا اعمل مذكرة فقد .. نحس نحس نحس ...

و عملت حسابي على 150 جنيه مستريح بدل فاقد من كل اللي وقع مني .. بعدها بيومين جالي تليفون من اخويا

بيقولي المحفظة ظهرت .. و ظهورها ده ليه قصة مش وقتها دلوقتي خالص .. المهم انها وصلتني لحد الصيدلية

و مافيهاش الفلووس ... قولت قدر الله و ما شاء فعل ..

طبعا اتضايقت و دمي اتحرق كتير اللي بيحصل .. لحد يوم الأربع اللي فات ..

نزلت مع واحد صاحبي صيدلة القاهرة كان في هناك مؤتمر حضرته و قابلت بقية الغجر نزلنا معاهم سيتي ستار

و اكلنا في مطعم في شارع النزهة جنب دار الدفاع الجوي .. المهم اخر اليوم و انا مروح اكتشفت ان الموبايل وقع

ادور و اتصل مافييييييش ... اقف هنا شوية .. كده في حاجات غلط مش حاجة واحدة ...

طبعا الموبايل لوحده كارثة تانية .. هو مش غالي من الأساس بس الأرقام و الرسايل اللي عليه .. و شوية

أدلة تودي نص الجمهورية في المعتقلات و غياهب السجون .. لو اتنشرت هتلاقي تاني يوم بالبنط العريض

خرج فلان و لم يعد .. إختفاء فلان في ظروف غامضة .. هتشوف من ده كتير ما تقلقش

و بألتمس حسن النية و إبتسامة من الأذن اليمنى للأذن اليسرى ..

طبعا الموبايل لو كان هيرجع ما كانش اتقفل والباقي معروف .. اتصلت عشان اوقف الخط بعدها بيومين

و لو حد سأل يومين ليه ؟ لعل و عسى اللي لاقاه نفسه يعمل مكالمة اعرف اجيبه .. مافيش

المهم اتصل بالشركة و هي فودافون .. بيتأكد من البيانات .. صعقني بجد

الخط بتاعي .. علبته معايا .. العقد معايا ... كل ما يثبت ان الخط بتاعي موجود معايا ..

بس طلع بإسم واحدة ... يااااااااااااااااااارب ... ارحمني برحمتك

خبطت مشوار لحد ميدان سفنكس و روحت هناك عدلت البيانات و الغلط من الموزع ... عملت استبدال شريحة

تاني يوم تستمر موجة النحس مع توقع سقوط عواصف رعدية على أوضتي انا بالذات .. منحوس بقى

النضارة الشمس وقعت .. خير خير خير اللي ييجي في الريش بقشيييييييش

لحد كده و الحمد لله مافيش حاجة حصلت

كنت بأفكر اقعد في بيتنا و اقول كفاية علام و ادور على اللي هتستتني .. بس خفت لأجيب النحس ليها

قعدت مع نفسي شوية أراجع تصرفاتي .. اللي بيحصل ده سببه ايه ؟

هل غضب من ربنا نازل عليا .. بيخلص في الدنيا .. قعدت ادور و أخد رأي الناس المقربين ..

ما جبتش سيرة حد .. ما غلتطش في حق حد .. إتضايقت أكتر ..

لو إكتشغت اني غلطان في حق حد او ارتكبت ذنب .. بأمانة كنت هاستريح

بس للأمانة أنا اتعلمت جامد من الحوارات اللي مرت عليا دي ...

أتأكد ان كل حاجة معايا .. و لو حد قالك انت شكاك حط اللي في رجلك في بقه ..

او ركبه على حمار بالمقلوب و اعمله زفة في صلاح سالم او طريق النصر ... او قدام سيتي ستار و اعمل تذاكر عليه

اللي هيقولك شكاك لا هيرجعلك المحفظة و لا الموبايل و لا الفلوس و لا النضارة ..

هتقولي فلتقل خيرا أو لتصمت .. ده يتقال لما اكون في مشكلة و باحلها .. لكن دي حاجة شخصية

مافيش حد هيتأذي منها إلا صاحب الحاجة ...

اتعلمت كذا حاجة .. أتأكد ان الحاجة كلها معايا . مرة و اتنين

ما اشيلش اكتر من 50 جنيه في جيبي و الباقي يترمي في الفيزا و ماكينات الصرف الالي مافيش اكتر منها

حاجات كتير تعمل حسابك فيها

بس انا بأسأل نفسي

سؤال يطرح نفسه على الساحة .. بعد إنحسار موجة النحس الحمد لله

في ركووووود ... صمت ... الهوا واقف .. مافيش نسمة بتعدي

هل ده الهدوء اللي بيسبق العاصفة

كلي فضول و ترقب ...

في مقولة إنجليزية ترجمتها الحرفية بتقول

عار علي أن أخدعك مرة .. و عار عليك أن أخدعك مرتين

يعني لو ضحكت عليك مرة واحدة عيب في حقي .. لكن لو ضحكت عليك مرتين .. دي عيب في حقك انت

انا انطبقت عليا المقولة دي بنسبة 400 %

يا ترى هل ؟؟؟؟؟؟ هو ده السؤال

شخابيط على الحيطة

شخابيط و تقطيع كراسي و كتابة في الحمامات

اخص على كده اخص

عادة منيلة بستين نيلة ...تكتب عالحيطة شلة المقاطيع بتوعك و تقول أصدقاء للأبد

يحرقك إنت و صحابك . انا لو صاحب حاجة لقيتك كاتب عليها هاعلق راسك على الحيطة دي

و هاجيب صحابك كلهم و احطهم جنبك و اقول بسبب الوساخة .

ما فيش حد فيهم تفكيره نضيف قالك كده بتوسخها بكتابتك ؟

اركب اتوبيس او ميكروباص .. أتحداك . من كل 50 هتلاقي واحد منهم سليم

بس ما تقلقش .. لسه حظ صاحب الميكروباص او الاوتوبيس ما وقعوش في واحد من إياهم

تلاقي كرسي متقطع .. طلبت معاه كده ...

قالو للخنيق أخنق .. قالهم ماليش نفس... قالوله ليه ؟ خنقة ..

تدخل اي حمام عمومي في الجامعة . تلاقي واحد كاتب قصيدة شعر و اللي حاطط ارقام تليفون

حس على دمك يا بارد صاحبنا واقف برة بيتقطع .. شفاكم الله و عفاكم يا أستاذ مدحت

جت في بالي الجملة دي من فيلم عادل إمام في فيلم الإرهاب والكباب ..

يعني انت لو في بيتك .. انت شب صايع او منحرف و فاشل .. هتكتب على حيطة البيت برضه

بس راجل .. شوف ابوك هيعمل فيك ايه .. لو قطعت الكرسي يا ويلك .. لو انت من اللي بتدخل في الحمام

و بتنتهز الفرصة و البيت فاضي و تقعد في الصالة و تحط رجل على رجل ( عامل فيها باشا يا صايع )

و تلاقي السيجارة وقعت عالارض و السجادة اتحرقت .. كتكوت مبلول ..

فكك مني بقى انا دماغي صدعت

كان في حفلة عندنا الأسبوع اللي فات كان فيها تامر حسني و رولا .. بدون أي تعليقات

انا كنت هاحضر الحفلة و حضرت جزء منها بس اتخنقت .. المكان بقى لا يطاق

زحمة عالفاضي

اللي لاحظته حاجة .. البنات كانوا بيبصوا لتامر بإنبهار .. ياربي لو ييجي حصان ابيض و تامر عليه

البنات بتحب الفنان ما بتحبش الإنسان و للأسف بتفتكر ان الانسان هو الفنان ... الإجابة لأ

لقيت واحدة جاية الجامعة لابسة بادي و كت و نص جسمها باين .. لقيتها راسمة على كتفها .. جوة شوية

صورة تامر .. ايه ده ؟

مش ممكن بجد .. ده لو ابوها كان عايز تبرع بالدم و نفس الفصيلة هتسيبه يموت عشان تامر

و مع برسيل ما فيش مستحيل

كت ... اقفل الستارة يا حسين

Start from the Origin Point

Finally I found time to start and post first article in my blog
Some friends asked me why I make it in English ,
Don't think that im hate Arabic ,,, of curse NOT .. it’s the primary language and the mother language
But the main reason to enhance my level in English Language
I went to The British council from long time and fill the application to get an exam to know my level
I found that I have to get only 4 courses . ( 10 , 11 , 12 , 13 ) to be excellent in free spoken
Any way
This not mean that ill not write in Arabic .. there is some articles in Arabic you will find it as soon as I can post it
Any way
Dear friends ,
From very long time feeling stress on the nervous system ,, this stress due to many things ,
First reason the planes which I wrote it in my business or studying .
I found that the 24 hours not enough except if I decrease sleeping hours , but from a time to another
I get a full day sleeping and relaxing
Why all this happen ?
Take a look around your self and see the world change every second & developed every fimto second
Arabic countries in general can't reach the developing which happen in the accurate time
We are very late about developing and get it after many generations
The developing not in Computer field only
Its in all fields ..
In my study ( Pharmacy ) my university make a deal with Hamburg University to change students or Professors
When I signed to Hamburg University I feel as electric shock catch me .
The method of studying or learning very interested , how ever im in Special University
So I ask my self , what about governmental Universities like Cairo or Azhar which not have the enough money to get latest machines or learning helping tools .
The answer from my opinion that we are the main reason .
Arab from the old years was the origin for all science . Ibn Sina , Abo Bakr EL Razy & others
But now .. where are we from all this ?
The answer will be …. Negative .
So im trying all time to get all the new in many fields , may It help me to know latest developing
I hope that every one in my age ( older or younger ) start to find him self in the field which he like